Prica je pocela prije puno punoooooo godin kad san dovuka doma prvo racunalo sa onin lipin Windowsima 3.1 (e sad znate kad je to bilo) a istini za volju nisan njanci zna kako ga upalit a kamo li išta na njemu radit.A pošto san po prirodi tvrdoglav ka mazga i cega se capan ne puštan tako lako, capa san se ja i ove novotarije........ Ma ne da san utuca vrimena i vrimena na njemu dok nisan capa sve finese koje su bile potribne za cackat nego san se dobro infeta (zarazija) odma na prvu. Da zarazija...... svitu moj ni jedna boleština ne capaje tako brzo i toliko dugo ne drži ka ova a zove se RACUNALO oli ti ga popularnije PC. O ucinku na takuin (novcanik, lisnicu-ovo u zagradama je pojašnjenje gospodi sa sjevera koja baš i nerazumu svaku našu ric) da i ne govorin....... uvik nike novotarije, nadogradnje ovega pa onega.... pa novi programi, pa novi operativni sustavi...... pa sad aj ti to sve prati....... ma nima šanse......