Otra bi brke najprin sa dlanon, a ondac rukavon sve do lakta.

Da ne duljin višje, ako ćedu oni u Splitu ka ić ono po gradu i pokazat se nama " običnon " svitu da ji jema, neka ji, ako ćedu pozvat ono svoje iz biloga svita, jope dobro zaradiće turizan i butige, a biće i pazar, neman ništa protiv... I to je demonkrancija, samo ča je nikor doli reka ali ako ste pravi ondac ozajdite vanka svi naši domaći, jerbo ako je to radi vas a biće da je onda jope dobro, ali ako je to ono ka oni u svoje doba mitinzi " jogurt revolucije " samo da se stvori kada ji jema puno i da su niki faktor, e onda je to po meni samo parada koja more bit danas ovod, sutra u vašem gradu a prikosutra možda i u Carigradu, i ni me puno briga za to...

A ovi lordovi o spize, ko jin ča more, najprvo se nakesali pa niki postali bahati priko svake mire, i ondac vlast ča će udri na kulake (to je stara riceta), ali jope ne sve samo nike...

Najprvo, tija bi zaželit Svin komentarištima Sritnu Novu, a " Ekipi " još i " Na dobro Van došlo Mlado lito ".. A od otome da se naša " dica " znaju svako malo ono defešta ubit sa alkoholon to ni nova stvar samo je novo da se uvik nanovo žurnališti ka trljaju ruke " evo ga teksta brez po muke ".. ono zna se, za koji dan doće na red i " maturalne ", pa poslin tega oni Krnjeval, pa će u Korizmu svi se " čistit ", a ondac poza Uskrsa jope po starome, a jošćec ka uleti ovo lito " pojačanje " iz Austreljske, Zelandije i Britanije, nećedu ni naši ostat dužni ee

Ajte bog, žaj me svita ča je pa na baketinu, ali nadan se da nisu dali šolde jerbo ondac - - papila maca - - nika ji neće vidit...

Evo štin ovod i nemogu virovat, ma višje je oti svit defešta rebanbija na konto otega kako se ono reče " zdravstvenoga odgoja "?, ma svite ča tu more bit ka loše, benti sto mi smo u skulu jemali ono teknički, bijologiju, domaćinstvo, a bija je i oni niki pedagog (zvali smo ga pešo) a on bi vrtija žveljarin ono ka " morate doć uredni, slušat, prat zube, ruke i NIKAKO nesmite kasnit na sat ".. A oto kako smo mi naučili " one " stvari pa mogu van reć svite moj da je prvo počelo sa " tekničkin "..?.. pa toko ča sno posudili par kacavida i jednu puntu od bušilice pa smo učinili lipu bužu za ćirit u kondut od ženskih.. pa je za vrime sata šetala balotica od karte di je pisalo ko je od naših ženskih obuke koje ono " gaćice ", mislin-boje.. onda još ni bilo ovi čuda ka danas " tangi " i sl.. i ondac se sitija jedan da izbuši bužu u kodut od profesori... ee.. to je bila baza.. poslin tega padale su štorje.. ma najmanje od robi-bjankariji jerbo je muju našin profešurešama bilo nji ono za past u nesvist, a jošćec ka nan je doša jedan " ćiribimbaš " pa odvalija da ona plavuša iz fizike nikako nije prirodna plavuša? sve nan je bilo jasno... Eto toko od našemu otemu odgoju, je da smo jemali i ono ništo ka " opća praksa " oliti " ručni rad " ali višje j lo ono sve na teoriji, doklen nismo otkrili da se more zavrnit osigurač i ugasit svitlo u razred, onda je bilo.. vataj sve do čega moreć doć.. ko zna morebit da je tu i sve počelo? još onda a.. znan samo da su svi manje višje svi poslin se nikor više nikor manje sritno se udale i oženili, niki su već dide i babe.. a oti niki ča ji spominje šjorAlbert (nije keks) oli su se dobro kamuflirali oli jih ni bilo

Ča oće reć, ka smo u ekipu ondac smo ka jači i ta stoji, a sad zač je to toko? jerbo u prirodi vlada jednostavni e sad jeli božji oli darwinov zakon ali je, ili ti nikoga moraš jist da bi priživija ili tebe nikor mora jist za istu stvar.. jedino su judi skočili skalu višje, pa jidu čagod oće, koliko oće, i kadgod oće, nima mire u temu, lav kad je sit ne lovi i beštija (zebra) zna da je ovi neće lovit..

A biće da i ovi gori navedeni " dužnosnici " oćedu da se i nji po ničemu pamti? Za mene je to ka ono ka je u Francusku strada oni Drajfus i završija na Vražji otok, i ondac su domoljubi francuzi protestirali, i napisano je ono znamenito " Jeu accuse " - Optužujem, i tek ka se pokrenija cili svit, čovika je rehabilitiralo i vratilo doma i vraćene su mu sve počasti ča su mu oduzete, ali ka ča je nikor reka " Zalud van trud junaci.. " Vrime je pasalo, ča je rekla ona jedna dobra žena " Posli je... a nima kajanja ".. toko i ovod, ča joščec triba se zgodit da se ova vlast judiman višje triba ZGADIT

A oto kakovi je ovi čovik velečasni, čekan da se javi kogod od ovega svita ča jin je bija u župi, a borami ispade da je bija u dosta, mi dtgi moremo samo štrapat, ako je čovik bija betežan i ni moga vršit svoju službu tribalo ga je umirovit oli poslat u niki red di nebi doša u kontreštavanje sa " svojo pastvon ".. Po meni, da ni ovi put, morebit da bi čovik puka niki drugi, a nevaja probleme turat pod tapet oli itat iza ormeruna, jerbo kadli-tadli izlete vanka, a ondac puno višje učinu šćete..

Dunkve, oto da se nikor ne vata lopate stoji, eto u nas u Get nikor nima lopatu i ča ćemo ono izvukli one stare škovacere od kate (jerbo ove nove plastične su ajme) i počelo se ka ajmo reć dizat oni led i snig.. ali dićeš š njin? Poasti srce u nas su kalete jedva se dva čovika moredu proć? a dićeš pasat ako snig i led ideš stivat uza zid? I ondac jedan se sitija vazeja oni karet na letriku i ajmo nakrcalo ga on na Rivu iskrenija u more... Ali jopet, nisu sve kale di nikor stoji, jema oni ča su prazne?, a jope triba proć...

Ajde lipo moj svite ošervajte se on o malo okolo, ma digod čovik danas svurga, svugd digne niku ono ča se reće " aferu ", ma nima di se ni ova i ona vlast omrsila.. najprvo je pokrelo firme pa penšjunate pa ako ji je ikad bilo šolde iz dijaspore (pokojni je vika 6 o miljardi dolori će doć u Hrvacku?), a ondac je počela prodaja, malo je reć.rasp.prodaja, sve po jednu kunu, ni mozak ni vridija višje ča je reka oni jedan " Veliki Hrvat " kilo mozga-dvi marke? a di su oni " čuvari pečata ", " Lobisti ", " anbasadiori ", pa cila ona " elita " o dvista fameji, umrižena sa mafijon i kriminalon od cilega svita???

A ondac, je svršila gvera, pa se nosila ona bila košuja, crvena marama, dokoljenke, crne postole i naravno " ona kapa "...

I ondac a borami i sad puste se doktorate odradilo i dobilo na otoj štorji, ka ono isti jazik, pa iste face, pa sve živo, da bi ispalo da smo mi ka Hrvati niki " došljaci ", niki ča su ono ka horda navalili i uništili i spalili Salonu, satrali sve ča je bilo prin tega i jedino ča nan je Zapad da dobro je crikva i vira?

Šefica-raspuštenica a ko jon je branija da najde čovika svog života i žive ka cili svit?, ondac šef u prežunu sve ka ok, a ono malo malo pukne štorja, a borami pored onakove každrafine i gabora ko ne bi posta ono e..?

I ondac, se najde drugi svit i ka to nji vriđa? Ajde dobro nikoga vriđa ka se napiše " Mare je svima dala ", oli ono " Pere je glup ", ali ovod je kriva logika?? ako su već učinili šćetu oni prvi ča sad? ajmo i mi nažvrljat pa će svit morat još višje pripituravat i trošit šolde za kako tako uredit zgradu...

A get-kažin @ 2. ožujak 2011 0:39 - PODSJEĆA NAROD KOJI BRZO ZABORAVLJA: Ajde lipo moj svite ošervajte se malo okolo, ma di god čovik danas svurga, svugd digne niku ono ča se reće " aferu ", ma nima di se ni ova i ona vlast omrsila.. najprvo je pokrelo firme pa penšjunate pa.. šolde iz dijaspore (pokojni je vika 6 o miljardi dolori će doć u Hrvacku?), a ondac je počela... rasprodaja, sve po jednu kunu, ni mozak ni vridija višje ča je reka oni jedan " Veliki Hrvat " (MILAS) kilo mozga-dvi marke? a di su oni " čuvari pečata ", " Lobisti ", " anbasadiori ", pa cila ona " elita " o dvista fameji, umrižena sa mafijon I kriminalon od cilega svita???

Pari mi se svite da ste malo skočili ono priko bande.. čovik je utoliko kriv ča su ga reketarili za kredit koji mu nije ni triba i ondac ga uvalili.. a svoj posal i firmu je pošteno drža.. druga stvar ča danas čin dojdeš do niki pinezi oli se imalo čuje za tebe, omar ti dođu " skineri-kožnjaci " sa ponudon koja se ne " more odbit ".. inšoma dela šoma, njemu je sve uzelo još u toku postupka.. tako da čovik ako počme gre iz nule...

Ma ja neznan ča se digla tolika prašina okolo ote gospoje? Žena u godinama koja se bori protivu zla ka ča je pedofilija i slične nastranosti? Dobro pošto je iz Jamerike a zna se da su oni u svemu ono skloni i pritirat priko svake mire, ali jopet žena se odavno " bori " kontra zlostavljanja dice A jema li toga svaki dan? Jema li svaki dan u svitu da niko dite umre od gladi, žeđi, bolešćina? Ma di će ovi svit ako izgubimo dicu? Di će ovi svit ako nan dica postanu važna samo ako priko nji moremo uvatit vlast, moć, šolde, karijere?? Mislin da tribate svite pogledat oti " film " je da traje dobre dvi i rešto ure, ali posli tega čovika uvati straj.. Normalmente da je Jamerika cila dežbjego barenko ča se tiče ote " slobode " po kojon moreš kupit šmajser ka španjulete (deboto u istu butigu) i ondac ono iz dosade uzrešetat cili bus oli razred u skulu, a poslin neka se mislu pametni ča si ti ludi tija s otin reć? Ma svite moj, jošćec malo davaćedu jin u " WallMart " umisto munite metke za rivolvere na kasu.. Nisan od oni ča govoridu da sve ča nan dolazi od otamo nevaja oli da je sve bolesno, da je toko oli bi nan danas gorila žarulja, nebi gledali teve, a da ne govorin daje.. Mislin da triba bit pristojan i lipo koga zanima poć i čut na svoje uši ča žena jema reć.. Mislin da nije baš sve toko crno-bilo, i šćeta ča je upala u kašetu brokava a da nij ni znala koji smo mi ludi svit.. Nastranu one nike štorje ča ji ona ponavja cilo vrime, ali svite pa nemojmo je slušat ni gledat.. A ne činit od sebe primitivce i onako bit nekulturni.. More se reć, Škužajte ja se s vama ne slažen i basta.. Da se ne misli da ja nikoga ka branin, ali jeli se moglo lipo pustit ženu da odradi svoje i brez ovolike strke? Evo već nima foja iz kojega ne iskače vanka, blago se žurnalištima samo se pripisijedu i ka cipaju ono fronte pađine " ka ono Ovi reka Oni reka ".. Evo ako buden jema vrimena vidiću ako se uspijen uvalit, čujen da je već sve puno, a najboje ča je nikor reka da se lipo napunila " Arena " ijonako jošćec malo pa će bit " Obrovac " ako već nije.. Ajte bog dobri i pripošteni svite.. Vaš getanin..

Evo svite da rečen i ja koju.. najprvo na oti bedem je bila lipa kuća, i ondac se nikor sitija da ča će tot jedna kuća ka se more učinit ono ka puno lipje i starije.. pa je sorilo kuću, pa je sorilo polak bedema, pa su bageri ušli i počeli ka jazavci rovat, a nikor niti da zucne, a sve to ka ono neka se gradi?

A ko se sića (?) u svoje doba oti film se nije smija prikazivat u zemjama od socijalizma jerbo je režiser to izričito tražija.. ništo ka za onu " Paklenu naranču ".. ali se ipak fim infine vrtija i u nas.. a ča oće reć.. ča je moć medija?, ča se more učinit sa informacijama? Neznan za vas svite ovod ali po meni ako niste štili onu Orwell-ovu " 84 " ondac bi tribalo jerbo je oti (meni dragi pisac) još tamo 1948 predvidija nike stvari, a sve u vrime ka su sviton vladali pravi totalitaristi ka Staljin, Mao pa ako oćete i Tito... ali u to vrime (ko je gleda film) se nije moglo znat ovo ča je danas a to je da " informacije " letu sviton brže vengo kartušina po buri, i da to nemore nikor fermat I u tomen je jedini spas za jude danas, informacije koje se provuču inkontro zabrani ča je uvaženi Painkiller napisa, u svoje doba nikor je viknija " Zaustavite Reuters ", jerbo slobodna rič je jač od mača, granate, rokete oli bonbe atomike.. I to je sad na dilu, u svitu, jerbo postoji ona " mriža " koja more spojit u sekund čovika iz Tierra del Fuego do Hammerfesta, Hobarta i Arube, Ohotska i Lorenco Markeša...

To je za mene " Demonkrancija " i to san ovod škriva, i ondac ča nan ostaje??? Kako čovik more ić naprid oli se na niki način ćutit ka nikor ko ništo more minjat (najveća laž demonkrancije).. ka jedna stranka-ekipa sve jema u žepu i kako god okreneš karte su " paketane " i nuima uvik trice, aši i napolitane... a nama.. uvik lišine...

Isto tako, ako jema i pinkicu istine u temu ondac bi tribalo branko zarad svoga ugleda reć javno.je, falili smo, bili smo bahati, licemjerni, varali smo svit, i naš ovi ča je prikoviše žbalja eto mi tražimo za njega najveću kaznu koja morebit, ako je kriv po pravdi neka bude.

Ča zna mlaji svit koji su ote face sa bradaman i onin " hipi " facama? Pa ni najstariji se višje ne sićaju koji je koji i ča je tija, još malo ako se ovako nastavi ondac slidi Mehmed paša Sokolović, Murat, Osman osvajač, a ondac će i Đingis kan, Atila Hun, pa sve tamo do Ramzesa II?

I ondac, oni gori da jin je priikoviše palo kiše, da je poplavilo, pa ono " zećji nasipi ", pa svi gredu u one čizme do pasa, nosi se ono kruv i mliko u gumenjacima...

Ča oće reć, ka smo u ekipu ondac smo ka jači i ta stoji, a sad zač je to toko? jerbo u prirodi vlada jednostavni e sad jeli božji oli darwinov zakon...

A kad ne more odma, ondac su kapaci na sve.

Je veelika bila " Slavenska dduuušša ".... sve do Vladivostoka.... I ondac bidni ča su došli doma.. ajme u krivo vrime.. taman jozo udrija kontru Rusima.. ajme jope robija ovi put sve kontra staljina na goljaku.. pivaj i pati.. i infine gledan opni film " Balkanski špijun " i sve mi je jasno.. koja smo mi glina od naroda.. misi kogod oće, peče, i prodaje... samo se min jadu piture i konture... sastav isto.. glina.. zemja-naša....

Evo o vako, prikinolo me. tija san ništo ovod reć, i ondac-mrak...

Evo ja bi samo reka da doklen će ovi svit ovod trpit ove malo je reć beštimje ča ovod da prostite inkartaju sa onin ča jin (ako su ote sriće) svako jutro izleti u kondut... normalni svit potegne vodu i gre ća, a ne ovi niki guštaju malo sa otin još malo proć prston pa priko nosa pa na zid, a ako jin se zavuče štenca doklen " pituraju " vrata ondac brže boje poćučaju prst (a zaboravu di su ga prin mećali)..

Na plafune je pribija i ferma granje o ' trstik i to ono gusto, gusto, nebi se plafun njanci vidija, pa ondac niki ka ' drveni parapeti kojiman je odilija niske stole, a koji su jopet skupa sa niskin katrigaman bili o ' bambusa ili nikog takega slišnoga drveta