Dakako, ako nimo fićota, koristidu se kontejneri, štandovi, pa može i mišalica ako je kojo blizu (ali vo s fićoton u treso je medju bojin idejima). 4. Naravno, zatvoren je i drugi ulaz u porat - izmedju crikve i kurotove kuće stavilo bi se ni stori plavi radnički autuobus... kad se ujde u tu kalu s njin ne može se ni uć ni izoć kroz vrota nego somo priko vrotih na krovu.... 5. Štandovi lokalnih trguovcih bidu redovito završili u vodi 6. Uvik va da se nojde niki tovor ili ugota (tradicija je, jebiga) i onda se tie noći tu beštiju zaviezalo na vrota od Monte Carla - ako se dobro sićon, katride sa tiega štekata su završile nasri puorta 7. Niki plastični bruod se obavezno izvadi vonka (i lipo se bocilo sidro, stavila vesla u radni položaj) - jednu godinu (a brž i više njih) je vlasnik broda pomogo u vadjenju uz riči: " A ča imo veze, a će kuo znat da san to jo vadi " Koliko je to akcija imala odjeka govori i činjenica da kad san duošo u ZG na fakultet da mi je jedon koliega na faksu (koji je tuo lito bi u glazbenon škuoli) reko da se bi oduševi vidjenin tie tople ljetne večeri...